IL COLLETTINO

LE CANZONI

MARXIANI

Xe qua i marxiani, ohi si si
No dir de no i g’ho visti mi
I xe quadrati, colorati, coi vestiti da putei
I xe qua vardei
I fa la guera coi leca-leca e i chupa-chups

I xe sbarcai in rio marin
I xe montai sul mio barchin
I me g’ha roto i pagioi, la forcola, el remo
E mi a vardarli come un semo
I fa la guera coi leca-leca e i chupa-chups

Xe qua i marxiani de qua e de la
Da campo ai Frari a San Tomà
E i turisti pensa ancora che i sia souvenirs a bateria
I fa la guera coi leca-leca e i chupa-chups

Serè le porte e le finestre
Se no i marxiani vien qua a far feste
I riva pieni de trombete, nasi finti, cotillons
Fasè atension
I fa la guera coi leca-leca e i chupa-chups

I xe ‘ndai a Rialto a farlo beo
Adeso el ponte xe tuto zalo
De ‘na vernice lucicante nianca el fusse un catarifrangente
I fa la guera coi leca-leca e i chupa-chups